×

Nepali Community

सरकार निर्वाचन गर्न तत्पर छ, निर्वाचन तोकिएकै समयमा हुन्छ– गगन थापा


काठमाडौं । फगुन ३ गते
स्थानीय तहको निर्वाचनमा आवश्यकतानुसार गठबन्धन हुने नेपाली कांग्रेसका महामन्त्री गगन थापाले बताउनु भएको छ । बनेपास्थित नेपाली कांग्रेस काभ्रेपलाञ्चोकको जिल्ला कार्यालयमा सोमबार साँझ नेता, कार्यकर्तासँगको भेटघाटमा केन्द्रीय निर्देशनले स्थानीय तहको निर्वाचनमा कुनै असर नगर्नेसमेत दाबी समेत गर्नु भएको छ ।

उहाँले कुन पालिकामा कुन दलसँग गठबन्धन गर्ने भन्ने कुरा पालिका समिति, जिल्ला कार्यसमितिलगायत जिल्ला तहबाटै निर्कौल गर्ने जिकिर गर्नु भएको थियो । उहाँले यसो गर्दा मात्रै उपलब्धि हासिल गर्न सकिने र केन्द्र निर्देशित गठबन्धनले स्थानीय निर्वाचनमा अपेक्षित उपलब्धि प्राप्त गर्न निकै गाह्रो हुने बताउनु भएको थियो । उहाँले सरकार निर्वाचन गर्न तत्पर रहेकोकाले निर्वाचन तोकिएकै समयमा हुने जिकिर गर्नु भएको थियो । नेता थापाले टोल समितिले पार्टी बलियो हुने बताउनु भएको थियो ।

पार्टी संगठनको सबैभन्दा तल्लो निकाय टोल समिति रहेकाले सबैभन्दा बलियो बनाउनुपर्ने उल्लेख गर्दै टोलटोलमा कांग्रेसको समिति बनाएर पार्टीलाई बलियो बनाउन उहाँले निर्देशन दिनु भएको थियो । नेता थापाले प्रधानन्यायाधीश चोेलेन्द्रशम्सेर राणाविरुद्धको महाअभियोग स्वाभाविक रहेको बताउनु भएको थियो । उहाँले आफू निकै अघिदेखि प्रधानन्यायाधीश राणाविरुद्ध महाअभियोगको पक्षमा रहेको दाबी समेत गर्नु भएको थियो ।


More

View All

News

Health

Sports