काठमाडौं । माघ १० गते
हाल देशमा पश्चिमी न्यून चापीय प्रणालीको आंशिक प्रभाव रहेको जल तथा मौसम पूर्वानुमान महाशाखाले जनाएको छ । जसका कारण आज बिहानैदेखि देशभर आंशिकदेखि सामान्य बदली रहेको छ। महाशाखाका अनुसार दिउँसो पहाडी भूभागमा आंशिकदेखि सामान्यतया बदली रहने छ भने बाँकी भूभागमा आंशिक बदली रहने छ।
यस्तै पहाडी भूभागका थोरै स्थानहरुमा हल्का वर्षाको सम्भावना रहेको छ। देशका उच्च पहाडी तथा हिमाली भूभागका थोरै स्थानमा हल्का हिमपातको सम्भावना पनि रहेको महाशाखाको भनाइ छ ।यस्तै राति पहाडी भूभागमा आंशिकदेखि सामान्यतया बदली रहने र बाँकी भूभागमा आंशिक बदली रहने छ। यस्तै पहाडी भुभागका एक दुई स्थानहरुमा हल्का वर्षाको सम्भावना रहेको छ ।
