काठमाडौं । माघ ६ गते
सन्दीप लामिछानेको कप्तानीमा टी–ट्वान्टी विश्वकपको छनोटका लागि नेपाली राष्ट्रिय पुरुष क्रिकेट टिमको घोषणा भएको छ ।बिहीबार नेपाल क्रिकेट संघ )क्यान)ले १६ सदस्यीय टोलीको घोषणा गरेको हो । टिममा जितेन्द्र मुखिया पुनरागमन गरेका छन् भने चर्चित अनुहार विनोद भण्डारी र सोमपाल कामी आउट भएका छन् ।
सन्दीप नेतृत्वको राष्ट्रिय टोलीमा ब्याट्सम्यान लोकेश बम र विवेक यादव पहिलो पटक समेटिएका छन् ।विश्वकप छनोट अन्तर्गत ग्लोबल छनोट ओमानमा हुँदैछ । समूह ‘ए’मा रहेका नेपाल, फिलिपिन्स, यूएई, बहराईन, आयरल्याण्ड, जर्मनी र आयोजक ओमानमध्ये शीर्ष दुई टोली छनोट हुनेछन् । शीर्ष दुई टोली अष्ट्रेलियामा हुने विश्वकपका लागि छनोट हुनेछन् ।
सन्दीप नेतृत्वको टिममा कुशल भुर्तेल, ज्ञानेन्द्र मल्ल, दिपेन्द्र सिंह ऐरी, शरद भेषवाकर, करण केसी, आरिफ शेख, कुशल मल्ल, आसिफ शेख, कमल सिंह ऐरी, शाहब आलम, अविनाश बोहरा, प्रदिप ऐरी, जितेन्द्र कुमार मुखिया रहेका छन् ।
