काठमाडौं । पुष २९ गते
कर्णाली प्रदेशसभाको नवौं अधिवेशनको पहिलो बैठक बुधबार बसेको छ। नेकपा एमाले कर्णाली प्रदेश सभा दलका नेता यामलाल कँडेलले प्रदेश सकारले गठबन्धन टिकाउन राज्यको स्रोत साधनको दुरूपयोग गरेको आरोप लगाउनु भएको छ । बैठकमा दलको तर्फबाट धारणा राख्दै नेता कँडेलले यस्तो आरोप लगाउनु भएको हो ।
मन्त्रालय र गठबन्धन टिकाउन झ्याल–झ्यालमा मन्त्रालयको बोर्ड टंगाइएको र यसमा कर्णाली प्रदेश सरकार माहिर रहेको कँडेलले बताउनु भएको थियो । राज्यको साधन स्रोतको दुरूपयोग गरेर गठबन्धन टिकाउने बाटोमा हिँडेपछि कसको के लाग्छ र भन्दै प्रश्न गर्नु भएको थियो । यो आर्थिक वर्षमा प्रदेश सरकारले बनाएका योजनाहरू समाजको आवश्यकता अनुसार नभएको उहाँले आरोप लगाउनु भएको थियो ।
समाजलाई भन्दा पनि घरलाई काम लाग्नेगरी सरकारले टुक्रे योजनाहरू बनाएर रकम वितरण गरेको उहाँको भनाई थियो । कर्णाली प्रदेश सरकार व्यवहारमा अनुभूति गर्नेगरी प्रस्तुत नभएको पनि नेता कँडेलले आरोप लगाउनु भएको थियो ।
