×

Nepali Community

तमु ल्होसारले पारस्परिक सद्भाव र सहिष्णुताको भावना अझ प्रगाढ बनाउने प्रेरणा प्रदान गरोस् –प्रधानमन्त्री देउवा


काठमाडौं । पुष १५ गते
तमु ल्होसार पर्वका अवसरमा स्वदेश तथा विदेशमा रहनुभएका सबै नेपाली दाजुभाइ तथा दिदीबहिनीमा प्रधानमन्त्री शेरबहादुर देउवाले सुख, शान्ति तथा सुस्वास्थ्यको शुभकामना व्यक्त गर्नु भएको छ । प्रधानमन्त्री देउवाद्वारा जारी शुभकामना सन्देशमा विशेषगरी गुरुङ समुदायले मनाउने ल्होसार पर्व हाल एक विशिष्ट पहिचानसहितको पर्वका रूपमा देशभर मनाइने गरेको उल्लेख छ ।

नेपाली संस्कार र संस्कृतिमा आआफ्नै विशिष्ट पहिचान र विशेषता रहेको र विविधता भित्रको एकता र समाजिक सद्भाव हाम्रा सांस्कृतिक अभ्यासका उदाहरण भएको उहाँको शुभकामना सन्देशमा भनिएको । यही सद्भाव र एकतालाई प्रवद्र्धन गर्ने उदाहरणीय पर्वमध्येको एक ल्होसार पनि भएको जिकिर गर्नु भएको छ ।

प्रधानमन्त्री देउवाले सन्देशमा कोभिड–१९ सङ्क्रमण नियन्त्रणका लागि अवलम्बन गरिएका नीति प्रभावकारी देखिए पनि जोखिम कायमै रहेकाले जनस्वास्थ्यका मापदण्डको पालना गर्दै पर्व हर्षोल्लाहपूर्वक मनाउन आग्रह गर्नु भएको छ । उहाँले यस पर्वले पारस्परिक सद्भाव र सहिष्णुताको भावना अझ प्रगाढ र सुदृढ बनाउने प्रेरणा प्रदान गरोस् भनी कामना गर्नु भएको छ।


More

View All

News

Health

Sports